Era jornada electorau

Era votacion s’inície as 09.00 ores e contunhe sense interrupcion enquias 20.00 ores. Totun, se dempús qu'eth president o presidenta anóncie era fin dera votacion as 20.00 ores i a votantes en locau electorau o en l’accès ath locau que non an votat encara, eth president o presidenta permeterà que vòten.

• Es votants an d’apropar-se ara mesa un per un, dempús d’auer passat, s'ac vòlen, pera cabina electorau.
  
  Cada elector o electritz li cau díder eth sòn nòm e cognòms ath president o presidenta. Era identificacion deth votant deuant era mesa se hè mejançant un des següents documents:
  • DNI (non servís eth resguard deth DNI eth tramit, atengut que non i apareish era fotografia)
  • carnet de condusir (damb fotografia); tanben ei valid mitjançat era aplicacion miDGT
  • passapòrt (damb fotografia).
  •  

S’accèpte era presentacion d’aguesti documents encara que siguen caducats, mès les cau èster es originaus. Non s’admeten fotocòpies.

Es vocaus e es interventors o interventores les cau verificar que l’elector o electritz figure ena lista deth cens entad aquera mesa de votacion. L’elector o electritz liure dera sua pròpria man ath president o presidenta era envolòpa o es envolòpes de votacion barrada. Eth president o presidenta, sense amagar era envolòpa o es envolòpes ne cap moment, li cau díder eth nòm de l’elector o electritz en votz nauta, e, en tot ahíger “Vòte”, li cau retornar era envolòpa o es envolòpes a l’elector o electritz entà per'mor que l’introdusisque o les introdusisque a l’urna o es urnes corresponentes. Un membre dera mesa, e es interventors  o interventores qu'ac desiren, a d’anotar eth nòm e cognòms de l’elector o electritz ena lista numerotada de votantes

Es accèssi ath locau les cau demorar entièraments liures e accessibles entàs persones qu'an dret a entrar-i. Solament an dret a entrar en collègi electorau, ath delà des electors o electritzes:

• es representants des candidatures
• es candidats o candidates
• es apoderadi o apoderades e es interventors o interventores
• es notaris o notàries
• es agents de l’autoritat requerida peth president o presidenta
• es membres des conselhs electoraus, es jutges o jutgesses d’instruccion e es sòns delegats o delegades
• es representants de l’Administracion
• es persones que les cau prestar assisténcia as votants s'ac an de besonh

Quin elector que sigue o electritz qu'obsèrve bèra irregularitat pendent era votacion pòt manifestar-la ena mesa. Era sua protèsta o reclamacion s’li cau hèr a constar en l’acta dera session.