Es presidents e es vocaus des meses, atau com es suplents que siguen finaument designadi coma membres titolars dera mesa, an dret a:
- Percéber ua dièta.
- Èster protegidi peth sistèma dera Seguretat Sociau deuant des contingéncies e situacions que pòden derivar-se dera sua participacion enes eleccions.
- Disfrutar d’un permís retribusit corresponent ara jornada complèta deth dia dera votacion, en supòsit que non disfruten de repòs setmanau aqueth dia.
- En tot cas, an dret a ua reduccion dera jornada laborau de cinc ores eth dia immediatament posterior.
Aguesti permisi, de caractèr non recuperable, les seràn retribusits pera empresa un còp justificada era actuacion coma membre de mesa.
Eth justificant s’a de sollicitar ara Junta Electorau de Zòna (JEZ) que les correspongue. Tanben se pòt obtier a trauès der ajuntament corresponent.
Cobertura dera Seguretat Sociau as membres des meses electoraus
Es persones designades coma membres des meses electoraus, ja siguen titolares o suplentes, son protegides peth sistèma dera Seguretat Sociau.
Son protegides de toti es risques derivadi dera sua condicion de membre dera mesa electorau. Es lesions que poguen patir en compliment dera sua obligacion auràn era consideracion d’accident de trabalh.
Es prestacions a qué an dret son:
- Era assisténcia sanitària
- Prestacions recuperadores
- Prestacions economiques en cas d'incapacitat temporau
- Invalidesa, mòrt o subervivéncia e servicis sociaus.
En cas de requerir assisténcia sanitària, eth membre dera mesa electorau s'aurà d'identificar coma tau en centre sanitari ath quau acudisque. Tanben aurà de comunicar ara Sosdireccion Generau de Procèssi Electoraus e Democràcia Dirècta (eleccions@gencat.cat), com mès lèu possible, es donades que seguissen:
- Nòm, cognòms e DNI dera persona afectada.
- Mesa ena quau ostentaue era condicion de membre.
- Descripcion des hèts o der accident qu’an motivat era visita ath centre medic.
- Centre en quau a estat atengut.
En cas que se requerisque ua des prestacions a qué s’a dret, tostemp que non sigue era assisténcia sanitària, s’aurà de comunicar ara Sosdireccion Generau de Procèssi Electoraus e Democràcia Dirècta.
Sosdireccion Generau de Procèssi Electoraus e Democràcia Dirècta. Adreça de corrèu electronic: eleccions@gencat.cat