Interventors/es
Enquia tres dies abans dera celebracion des eleccions, es representants/tes des candidatures pòden nomenar enquia dus interventors/es per mesa electorau, majançant era expedicion de credenciaus qu’an de liurar ara Junta Electorau de Zòna corresponenta.
Er interventor/a exercís era sua foncion sonque ena mesa ena quau ei acreditat e a competéncies entà:
- Assistir ara mesa e participar enes sues deliberacions damb votz, mès sense vòt (sonque un interventor per candidatura, mès es interventors d’ua madeisha candidatura acreditadi deuant dera mesa pòden substituïr-se entre eri).
- Formular reclamacions e queishes, qu’an d’èster consignades ena acta, e demanar certificats deuant dera mesa.
Es interventors/es vòten ena mesa ena quau son acreditadi, encara que non siguen includits en cens electorau d’aquera mesa mès tostemp qu’era mesa sigue includida ena circonscripcion electorau a on les correspongue de votar en toti es procèssi electoraus convocadi. En cas contrari, pòden votar per corrèu.
Es interventors/es pòden portar simbèus o pegasolets damb eth nòm e es sigles dera candidatura que representen, sonque pr’amor d’identificar-se coma interventors, sense qu’açò constituïsque propaganda electorau.
Apoderadi/es
Eth representant/a de cada candidatura pòt autrejar eth poder a favor de quinsevolh ciutadan/a, màger d’edat e que se trape en plen us des sòns drets civius e politics, entà que represente era candidatura enes actes e operacions electorus.
Er apoderament se formalize deuant de notari/a o deuant deth secretari/a dera Junta Electorau Provinciau o de Zòna, es quaus expedissen era corresponenta credenciau, d’acòrd damb eth modèl oficiaument establit.
Es apoderats/es s’an d’identificar en tot mostrar era credenciau e eth Document Nacionau d’Identitat as membres dera mesa.
Es apoderats/es poderàn:
- Accedir liurament a toti es locaus electoraus, examinar eth desvolopament dera votacion e deth escrutinh en quinsevolha mesa, formular reclamacions e queishes, e demanar certificats, tostemp que non agen estat sollicitats per un interventor dera madeisha candidatura.
- Se non i a interventors dera sua candidatura, pòden actuar coma taus ena mesa e participar enes deliberacions damb votz, mès sense vòt.
Es apoderats/es sonque pòden votar ena mesa a on son censadi.
Es apoderats/es pòden portar simbèus o pegasolets damb eth nòm e es sigles dera candidatura que representen, sonque pr’amor d’identificar-se coma apoderats, sense qu’açò constituïsque propaganda electorau.
Comparativa interventors/es apoderadis/es
|
Interventors/es |
Apoderadis/es |
|---|---|
|
Formen part dera mesa electorau. |
Non formen part dera mesa. |
|
Pòden votar ena mesa a on figuren adscrits coma interventors, encara que non siguen includits en cens d’aguesta mesa tostemp qu’era mesa sigue includida ena circonscripcion electorau a on li correspongue votar en toti es procèssi electoraus convocadi. |
Sonque pòden votar ena mesa a on figuren censadi. |
|
Sonque pòden èster presenti ena mesa dera quau formen part. |
Pòden accedir liurament a toti es locaus electoraus. |
|
Pòden assistir era mesa e participar enes sues deliberacions damb votz, mès sense vòt. |
Pòden examinar eth desvolopament dera votacion e deth escrutinh en quinsevolha mesa. |
|
Pòden formular queishes e reclamacions, qu’an d’èster consignades ena acta, e demanar certificats. |
Pòden formular queishes e reclamacions e demanar certificats, çò que s’a de consignar ena acta. |
|
Se se presenten ena mesa un còp estienuda era acta de constitucion dera mesa, pòden votar, mès non formar-ne part. |
Se non i a interventors dera sua candidatura, pòden actuar coma taus deuant dera mesa e participar damb votz, mès sense vòt. |
|
Pòden portar simbèus e pegasolets damb eth nòm e es sigles dera candidatura que representen, sonque pr’amor d’identificar-se coma interventors, sense qu’açò constituïsque propaganda electorau. |
Pòden portar simbèus e pegasolets damb eth nòm e es sigles dera candidatura que representen, sonque pr’amor d’identificar-se coma interventors, sense qu’açò constituïsque propaganda electorau. |
