Era votacion s’inície as 09.00 ores e contunhe sense interrupcion enquias 20.00 ores.
Era jornada electorau
Identificacion des votants
Se cau identificar damb bèth un des documents que seguissen:
- Document Nacionau d’Identitat (DNI)
- Passapòrt
- Permís de condusir (a on cònste era fotografia deth titolar)
Es documents pòden èster caducadi mès an d’èster es originaus, en cap cas fotocòpies.
AMONTEnta conéisher era mesa electorau a on cau votar
Eth Burèu deth Cens Electorau envie a toti es electors e electritzes ua carta censau a on figure era seccion a on ei censat er elector e era mesa a on li correspon votar, damb era adreça deth collègi electorau.
Tanben se pòt hèr era consulta:
- Presenciaument, en ajuntament o era delegacion provinciau deth Burèu deth Cens Electorau d’empadronament.
- A trauès deth servici d’atencion telefonica 901 101 900.
- A trauès dera pagina wèb der Instituto Nacional de Estadística: ine.es
Permisi entàs votants
Es electors que trabalhen eth dia des eleccions pòden disposar, laguens der orari laborau, d’enquia quate ores entar exercici deth dret de sufragi, que seràn retribuïdes. Quan eth trabalh sigue en jornada redusida, se harà era corresponenta reduccion proporcionau deth permís.
Es trabalhadors qu’agen jornada laborau damb un orari que non coïncidís ne totauments ne parciauments damb eth dera votacion, non an dret a demanar cap de permís ara enterpresa.
Eth justificant lo cau sollicitar ara mesa electorau eth madeish dia dera votacion.
Se è dificultats entà hèr eth vòt presenciau, quines opcions è?
Es meses electoraus les cau adméter eth vòt de quina persona que sigue que sigue inscrita en cens electorau d'aquera mesa.
Es persones que per malautia o damb quauque empeditat an problèmes entà poder votar, pòden ajudar-se d’ua auta persona que les acompanhe o de quauque mejan materiau entà transportar es envolòpes electoraus as membres dera mesa.
En cas que bèth membre dera mesa, o bèth un des interventors o apoderadi adscriti ara mesa, considère qu’eth vòt non s’a exercit de forma conscienta, liura e volontària, ac pòt hèr a constar ena acta de session, mès non s’empedirà eth vòt. Ena acta, er elector li calerà identificar-se solament damb eth DNI o document d’identificacion qu’apòrte.
Vòt valid, vòt en blanc e vòt nul
Vòt valid
Son vòts valids era soma des vòts en favor de candidatures que non agen estat anulladi per quauque defècte e des vòts blanqui.
Vòt nul
Se considèren vòts nulli:
- es vòts emetudi en envolòpes o bulletins de vòt diferentes deth modèl oficiau,
- es vòts en bulletins sense envolòpa,
- es vòts en envolòpa qu’age mès d’un bulletin (se son de diferentes candidatures),
- es vòts a on enes bulletins s’age modificat, apondut o raiat nòms des candidats que i son includidi.
Vòt en blanc
Ei vòt en blanc eth dera envolòpa que non contengue bulletin e eth vòt emetut en favor d’ua candidatura legaument retirada. Es vòts en blanc hèn part deth conjunt de vòts valids.
