qu’agen ua causa justificada, pòden presentar allegacions ara sua designacion.
Dempús dera data dera notificacion, es membres dera mesa dispausen d’un termini de 7 dies naturaus entà presentar aguestes allegacions, tostemp per escrit, deuant dera Junta Electorau de Zòna (JEZ) que li correspongue.
Era JEZ li cau resòlver es allegacions en termini de cinc dies e comunicà'c ara persona interessada. Es allegacions se pòden resòlver en un des dus sensi:
- plan se negligís eth motiu allegat e se notifique definitiuaments eth nomentament ara persona designada.
- plan s’admet l’allegacion, s’desencuse era persona deth cargue, se li notifique e se designe un aute membre de mesa, a qui s’envie era notificacion corresponenta.
Era JEZ a de resòlver es allegacions en termini de cinc dies e comunicà’c ara persona interessada.
S’era persona designada non pòt pas presentar-se tàs 8.00 ores deth dia 12 de mai, per causa justificada, a d’avisar com mès lèu possible ara JEZ corresponenta. Se non i a causa justificada, eth hèt de non acudir ara mesa ei un delicte sancionat damb pena de preson de 3 mesi a 1 an o multa de 6 a 24 mesi.
Qual ei exempt de hèr part dera mesa electorau?
Son causes justificades entà hèr part dera mesa, qu'en tot cas cau acreditar damb documents:
- Auer 65 e 70 ans.
- Era situacion d'andicapat arreconeishuda.
- Era condicion de pensionista d’incapacitat permanenta absoluta e grana invalidesa.
- Era incapacitat temporau entath trabalh
- Era gestació a compdar des 6 mesi d’embaràs e eth periòde corresponent de pòsa entà suenhar eth mendre.
- L’intèrnament en centres espitalaris o penitenciaris.
- Era condicion de victima acreditada d’un delicte que compòrte ua resolucion judiciau qu'impose pene d’aproximacion, quan çò de condemnat se trobarà inscrit en madeish collègi electorau qu'era victima.
- Auer hèt part d’ua mesa electorau en un minim de 3 escadences ath long des darrèri 10 ans, cada viatge que se garantisque era constitucion dera mesa electorau.
- Eth suenh deth lactant per part des sòns progenitors, adoptants, guardadors o acollidors.
- Eth suenh, per arrasons de guardia legau, de mendres de 12 ans o de persones damb andicapat fisica, psiquica o sensoriau.
- Eth suenh de familhaus d'enquia dusau grad de consanguinitat que, per causa de l’edat, accident o malautia, non poguen valer-se per se madeishi.
- Era condicion de inelegible entà èster deputat cossent damb era lei electorau.